Oldin xabar berganimizdek kecha 10-avgust kuni Andijon viloyatining Asaka tumanida Kadastr agentligi direktorining birinchi o'rinbosari Allaberganov Atabek Validjanovich hamda viloyatning tizim mutasaddilari ishtirokida yuridik va jismoniy shaxslarning kadastr masalalariga oid murojaatlarini ko‘rib chiqish maqsadida sayyor qabul o‘tkazilmoqda.
Sayyor qabulga yig‘ilgan tadbirkor va fuqarolarning muammolari tinglab, o'rganilib, huquqiy javoblar berilmoqda. Tashrif buyurgan fuqarolar asosan, kadastr pasportini shakllantirish, mulkni davlat ro‘yxatidan o‘tkazish va boshqa qator masalalar bo‘yicha murojaatlari tinglandi.
Sayyor qabul davomida jami 35 nafar fuqarolar murojaati ro'yxatga olingan bo'lib, Shundan 5 tasi joyida hal etildi. 10 ta murojaatchiga huquqiy tushuntirishlar berilgan bo'lsa 20 ta murojaatlarni batafsil o'rganish bo'yicha mutasaddilarga tegishli topshiriqlar berildi.
